قوم يامصرى

إنت مصرى
قوم يامصرى إنت مصرى قوم كلامك فوق رقابهم سيف بيقطع نور بيسرى
قوم شبابك عاد إليك شفنا كل العزة فيك
قوم بلادك بتناديك قوم دا طال على المر صبرى
قوم يامصرى قوم وقول قوم يافلاح فى الحقول
نبت أخضر ثار وزهر دم جوه عروقنا يجرى
قوم يامصرى إنت مصرى
قوم يامصرى من غير بياده لو تموت برده شهادة
قوم وحارب ده التجارب أثبتت إن إنت مصرى
قوم يامصرى إنت مصرى
قوم يامصرى قوم وثور خلى كل خسيس يغور
قوم وسمع علمك إرفع أنت مصرى وهوه مصرى
قوم يامصرى إنت مصرى
قوم وقول لكل اللى بره موجود فى مصرنا أغلى ثورة
واحنا موش عايزين تدخل أصلى مصرى وهوه مصرى
قوم يامصرى إنت مصرى
قوم ونادى يابلادى قوم ح تتمد الأيادى
قوم وغير بكره تفخر إنك إنت نشأت مصرى
قوم يامصرى إنت مصرى
قوم وكافح قوم وناضل قوم وقول الحزب باطل
قوم وطلع صوت يسمع صوت يقول إن أنت مصرى
قوم يامصرى إنت مصرى
قوم وخرج كل خاين كل فاسد ظلمه باين
قوم وعدى م الكماين قولهم أنا أصلى مصرى
قوم يامصرى إنت مصرى
قوم مافيش دموع فى عينك وإحنا وياك الله يعينك
صوت بيسأل إنت فينك جوه مصر أنا أصلى مصرى
قوم يامصرى إنت مصرى
قوم وقطع كل خوفك خلى كل جبان يشوفك
قوم ح تتكلم ح يسكت رغم إنه برده مصرى
قوم يامصرى إنت مصرى
قوم ياشاب إفرض كلامك ع اللى وجعك واللى ألمك واللى هانك
واللى خلاك تقعد حزين واللى نساك إن إنت مصرى
قوم يامصرى إنت مصرى
قوم وصلى فى الميدان ده صلاتك نور نيران
تلتهب ف اللى يخونوك واللى قالو إن إنت مش مصرى
قوم يامصرى إنت مصرى
قوم وقول الله أكبر ع اللى بيغش نفسه يكبر
قوم وكبر فى وجوههم إنت هدفك هيه مصرى
قوم يامصرى إنت مصرى
قوم ياشعبى إعمل لجان قوم وحسسنا بالأمان
شرطتك راحو ا وسابوك لما حسوا إن إنت مصرى
قوم يامصرى إنت مصرى
قوم وشيل المسئولية قوم كفاية محسوبية
قوم ده إيدك إيد قوية قوم ده عقلك عقل مصرى
قوم يامصرى إنت مصرى
قوم وجاهد فى الزحام قوم وقول كل الكلام
بكره راح تقدر تنام بكره نومك يبقى مصرى
قوم يامصرى إنت مصرى
قوم وسكت صوت عدوك قوم وقاومه بكره يهلك
قوم وزود من عزيمتك قلب حر عزيمة مصرى
قوم يامصرى إنت مصرى
قوم يامصرى موت فى أرضك إحمى شرفك واحمى عرضك
ولو سألتك فى النهاية رد قول إن إنت مصرى
قوم يامصرى إنت مصرى
قوم ح تتحقق أمال بالعزيمة والرجال
قوم معادشى شئ محال دى الإرادة كلمة مصرى
قوم يامصرى إنت مصرى
قوم يامصرى قوم وعمر بكره بيك الصحرة تعمر
قوم ودور ع البداية ح تلاقيها بداية مصرى
قوم يامصرى إنت مصرى
قوم وشاور ع اللى سارق للقانون فى بلادنا خارق
قوم وقول مافيش طوارئ قوم وقو ل دى محاكمة مصرى
قوم يامصرى إنت مصرى
قوم وقيد كل الشموع قوم واصرخ لا خضوع
اللى فاسد جاله يوم واللى صالح دوره مصرى
قوم يامصرى إنت مصرى
قوم وسافر فى الأماكن إنت فيها حر ساكن
قوم وعلى صوت ضميرك الضمير فى بلادنا مصرى
قوم يامصرى إنت مصرى
قوم وخليهم يخافوا هما منها ياما شافوا
أؤمر إنت وهما طوعك قول ده حقى حق مصرى
قوم يامصرى إنت مصرى
قوم ح تلقى الكل هابك والأمل إفتح له بابك
واللى باقى من شبابك إستغله وعيشه مصرى
قوم يامصرى إنت مصرى
قوم دا كل الكون معاك جاى يساندك فى اللى باقى
إصمد إنت يافدائى دا اللى حل اللغز مصرى
قوم يامصرى إنت مصرى
كل واحد له مطالب م اللى سلم واللى حارب
إكتبوها ف كام كتاب أو ورق عنوانه مصرى
قوم يامصرى إنت مصرى
قوم وحرر المناصب م اللى طاغى ومستبد
واللى كان ع الشعب ناصب قوم وقوله ده شعب مصرى
قوم يامصرى إنت مصرى
اللى ضحكوا ف البداية جه الأوان يبكوا بدم
واللى عاشوا زمان أعاجم فهمتهم ثورة مصرى
قوم يامصرى إنت مصرى
قوم يامصرى قوم وحاول يامهندس قوم ياعامل
يامدرس ياللى خامل قوم ودرس كلمه مصرى
قوم يامصرى إنت مصرى
وانتوا بتصلوا فى الميدان جه عمرو قال بيان
فين مبارك ؟ ساب رباش واللى يحكم مصر مصرى
قوم يامصرى إنت مصرى
قوم يامصرى قوم وغنى اللى جاى ف بكره ليك
قوم وشارك ف التطور قوم وخلى بلادنا عصرى
قوم يامصرى إنت مصرى
قوم يامصرى م الميدان كل أرضك ليك ميدان
قوم بسرعه نبنى مصر قوم نحقق حلم مصرى
قوم يامصرى إنت مصرى
قوم يامصرى بالقلم إكتب إنت تاريخ جديد
اللى شفناه ده حقيقة والحقيقة شعب مصرى
قوم يامصرى إنت مصرى
قوم وشجع كل عالم جاى بيفيد القضية
جاى بيرد المظالم قلب ثاير روح أبيه
قوم يامصرى إنت مصرى
قوم يامصرى إفتح كتابك شوف طريق العلم فين
اللى ولدك واللى جابك كانوا أسياد من سنين
قوم يامصرى إنت مصرى
قوم وحدد ليك معالم قوم وحدد لك هدف
واوعى تسكت للى ظالم حتى لو غيرك هدف
قوم يامصرى إنت مصرى
قوم يامصر إقرا ف ماضيك واعرف إنك ليك جدود
عاشوا والعدل ف حياتهم اللى كسبهم خلود
قوم يامصرى إنت مصرى
اللى منهم كان مصدق كل اللى بيقوله النبى
واللى حافظ ع العدالة بعد ما مات النبى
قوم يامصرى إنت مصرى
واللى خاف منه الشيطان اللى ثوبه كان مرقع
والى نام آمن عشان كان لشكوى الناس بيسمع
قوم يامصرى إنت مصرى
قوم يامصرى بهمتك خلى نارك جنتك
دوس ع الخوف فى البداية وابلغ نهاية ثورتك
قوم يامصرى إنت مصرى
انسى كل اللى خانوك ولزمانهم رجعوك
قوم زمانك هوه أعظم مهما حاولوا يضللوك
قوم يامصرى إنت مصرى
إستحاله تبقى خايف إستحاله تبقى واهم
باللى زيف ليك مشاعر واللى غيرلك معالم
قوم يامصرى إنت مصرى
إعرف إنت إيه حقيقتك قول كلامك خد قرارك
إيدك اللى تداوى جرحك إيدك إنت تطفى نارك
قوم يامصرى إنت مصرى
قوم يامصرى إنت مصرى
أخوكم
مح_قلبى اللى حبك _مد فؤاد

قوم يامصرى إنت مصرى


رووووعه ياباشا