فوائد انك تحلق اقرع

مميزات انك تحلق اقرع زلبطه زيرو بطاطس





1 - الوقايه من الحر و العرق و الحشرات المنزليه و بالمره القوارض و الزواحف
2- لو انت اصلع اساسا الحلقه الزيرو هتدارى كنوع من التمويه
3 - الناس كلها هتحترمك من سواق التاكسى لحد مديرك فى الشغل كل واحد هيقول فى سره دا اقرع و مجنون و ممكن يعملى اى حاجه يعنى كفايه انك تدخل اى خناقه او حتى تعمل نفسك انك هتخشها كله هيفلق الا لو كان الفريق التانى كله قرع هتبقوا قرع فى قرع و هتبقى كارثه
ممكن الناس تفتكرك شرطه او حربيه فيحترموك و يسلطحولك افاهم و على رأي المثل الجنيه غلب الكارنيه و الدبوره غلبت الاتنين
4 - اسلوب رائع للتنكر خصوصا لو مرتك الاولى
5 - لما تحلق اقرع هتحس بالتجديد و تحس انك زى الطفل اللى لسه مزلوط من بطن امه
6 - تعود البت بتاعك انك فى يوم تقرع علشان ميجيش يوم بعد 20 سنه تقولك كنت واخداك بشعر زى ما يكون كانت شاريه معزه و هى على الارجح هتكون السبب
7 - توفير نفقات الفرش و الكريمات و الشامبوهات و الزيوت و الحلاق و توفير وقت التسريح
8 - ايحاء رهيب بالثقه فى النفس لانك مش همك حد يعيب عليك هو مين اصلا له الحق انه ينتقدك هيصاحبك يعنى ؟
9 - تماشيا مع كبار النجوم اللى بيحلقوا زلبطه : بروس ويلز - ديفيد بيكهام -توم كروز - 3 ارباع لاعيبه الكوره و بيرتنى سبيرز بالمره
10 - جه الوقت اللى الواحد لازم يهتم بشعر حواجبه و يوليه اهميه خاصه و هو اللى يبقى ع الحجر و يبقى شعار المرحله ( من واجبى اظبط حواجبى )
11 - الناس ممكن تاخد فيك قلم و يفتكروك راجع من حج او عمره و ساعه ما تيجى سيرتك يقولوا دا حاجج بيت الله و انت تلاقيك زلبطه صايع و ضايع و البيت الوحيد اللى زورته بيت الزواحف
12 - مستحيل تشيل هموم على دماغك لانها هتتزفلط
13 - لما تيجى تقيس هدوم او يبقى الهواء جامد فى الشتاء مش هيهمك ان شعرك يتنعكش منين يا حسره مكانش انعزر ولا باع جزر
14 - هتبقى مضرب الامثال زى مثل القرعه تتباهى بشعر بنت اختها و اللى رمته القرعه تاخده ام الشعور

هههههههههههههههههههههههههههههههههههههههههههههههههههههههههههههههههههه
لالالالالالالالالا بجد جامده اوى
ايوه كده هى دى المواضيع
بس انا الحمد لله محلقتش كده قبل كده
وعمرى ماهعملها
تقبلى مرورى

eng:mohamed mahmoud كتب:

هههههههههههههههههههههههههههههههههههههههههههههههههههههههههههههههههههه
لالالالالالالالالا بجد جامده اوى
ايوه كده هى دى المواضيع
بس انا الحمد لله محلقتش كده قبل كده
وعمرى ماهعملها
تقبلى مرورى

ههههههههههههه جربها بقى
شكرا لمرورك