محتاجين رأيكم؟؟؟؟؟؟؟

العيون الساحره كتب:

تسلم ايديك ياهمس فكرة جميله موت
تقبلى مرورى

شكرا عيون وانت ايه رأيك معانا ولا لأ

mido hemdan كتب:

مش محتاجه كلام يا ضحى

طبعا كلنا معاكى

بس يارب الكليه توافق

المشكله انهم لو لقوا نشاطنا

دينى أو سياسى أو من الأخر حاجه مفيده

مش حيبقى من السهل انهم يوافقوا

وطبعا احنا مش حيبقى هدفنا فى الحمله دى

حاجه هايفه

وعشان كده هما ممكن ميرضوش

بس ربنا يسهل

وربنا المستعان

وانا معاكوا فى أى حاجه سواء مساعده ماديه أو تواجد

‏
‏
شكرا ياميدو و يارب الكلية توافق واحنا حنحاول علي قد من نقدر يعني نحاول مره واتنين وتلاثه مش نيأس و نسلم وخلاص
وجتي لو الكلية رفضت طيب ما احنا ممكن نستغل حاجات كتير نعمل بيها خير اللي بيحب يعمل خير بيحاول و يفكر و مبينتظرش مقابل من حد بس حقولك حاجه انا حاسه انا ربنا يوفقنا لان احنا هدفنا حاجه جميله جدا
بس بجد نفسي الناس تتفاعل أكتر و نفسي نهتم شوية شوف كم من التوبكات ليه هدف ومفهاش تفاعل بجد نفسي نعمل حاجه مفيده بقي

alia كتب:

فكره جميله جداااا ياقمر
وفى انتظارموافقه الكليه
وكمان ممكن انضم معاكم ولا ايه
انا نفسى اساهم بجد فى الموضوع
ده
وتقبلى مرورى وتحياتى

‏
ربنا يخليك يالولو يا قمر وطبعا انتي معانا من غير كلام و يارب الكلية توافق والناس كمان هنا توافق لان بجد انا نفسي الناس كلها تتفاعل مش نسبه صغيره بس وربنا يوفقنا

ملك روحى كتب:

فكره جميله يا ضحى
وكل افكارك حلوة زيك
ويا رب الكليه توافق

‏
ربنا يخليك يا قمر وانتي معانا ولا ايه ؟!

أمير بكلمتى كتب:

فكره ناجحه بعون الله

و بتدعيم الأعضاء لبعضها

‏
يارب يا بودي
ومع احترامي لكل الناس اللي ساهمت وردت واهتمت
لكن قولي يا بودي هما دول اعضاء المنتدي بس فين الناس الباقيه يعني ده لو لعبه كان زمانها كلها مساهمات نفسي اعرف فين باقي الناس يا جماعه المشاهدات بتزيد فين رأيكم ؟!!
هو احنا لما نفكر نعمل حاجه ليها هدف منلاقيش مسانده
وبعدين حد يقولي احنا حنروح نتكلم في الكلية بناء علي ايه واغلب الناس ساكته مبتقولش رأيها؟!!!
انا اسفه يا جماعه علي انفعالي بس انا متحمسه جدا زي ناس كتير نفسها الفكره تتنفذ ومحدش ليا مصلحه في اي حاجه ناس هدفها تعمل خير مش أكتر
ياريت نهتم شوية محتاجين تفاعل الناس القدام والجداد وكل الاعضاء

يا جماعه يا ريت الناس تتفعل اكتر احنا محاتجبن مساند اكتر من كده

الفتى الحائر كتب:

فكرة كويسة همس
بس عايزة تفكير وحسابات كويس
عشان تنجح لازم نفكر كويس وندرس الموضوع قبل التنفيذ

أتمنى طبعا أن الفكرة تنجح
لأنها فكرة كويسة بس محتاجه شوية تأنى ودراسة كويسة
لأن حتى لو أجرها رمزى ممكن تقابلنا عقبة التسويق

دا لو أفترضنا أن الكلية وافقت


أنا مش عايز أحبطك همس بس الموضوع برضة محتاج يبقى مدروس كويس

واتمنى من كل قلبى أن الفكرة تنجح

وحشارك بأى شئ يطلب منى
جايز معنديش وقت بس حساعد بقدر أستطاعتى

تحياتى لك
همس الأمواج

‏
اولا احب اشكرك احمد علي مرورق وطبعا حاجه تشرفني وتفدني اني اسمع رأيك
وابدا مفيش احباط ولا حاجه لان الانسان طول ما عنده عزيمه واصرار حيوصل وعمره ما حييأس
الواحد ييأس فعلا لو حس انه بيحارب لوحده ومش لاقي مسانده او دعم بجد انا نفسي الناس تساندنا أكتر وأكتر لان احنا محتاجين ناس كتير ومحتاجين نتناقش سوا وكل واحد عنده رأي يقوله عشان نقدر نعمل حاجه صعب نروح نتكلم مع الناس في الكلية من غير ما نكون عاملين حساب كل حاجه او بمعني اصح مرتبين اورقنا عشان نعرف نتكلم والناس تفهم احنا عايزين نعمل ايه
وشكرا ليك يا احمد وفعلا احنا محتاجين دعمك ودعم ناس كتير
وشكرا ليك وسعدت برأيك

يا جماعه لو سمحتوا احنا محتاجين نتناقش سوا ومحتاجين لدعمكم
شوفوا الناس تحدد يوم و نتجمع فيه و نتناقش سوا واي حد عنده رأي يقوله صدقوني احنا مش حنخسر حاجه بل بالعكس حنكسب كتير

تسلمي نيرو يا قمر علي اهتمامك ومتابعتك
‏
وان شاء الله انا حنزل يوم الحد واللي يحب يكون موجود و نتناقش كلنا

همس اولا اسفه لغيابى وذلك لظروف سفرى
بس انا عايزه اعرف ايه الجديد فى خطوه اتقدمت ولا لسه ياريت لو فى جديد تقولى
وكمان ياريت تقولى ايه الى حصل لما اتقابلتوا واتفقتوا على ايه

alia كتب:

همس اولا اسفه لغيابى وذلك لظروف سفرى
بس انا عايزه اعرف ايه الجديد فى خطوه اتقدمت ولا لسه ياريت لو فى جديد تقولى
وكمان ياريت تقولى ايه الى حصل لما اتقابلتوا واتفقتوا على ايه

اولا حمد لله علي السلامة يا قمر
و متشكره لمتابعتك يا جميل
احب ابلغك يا حبيبه قلبي اننا متجمعناش اصلا تقريبا كده محدش خد باله بس عندي اخبار تقريبا حلوة اصبري وحقولك

همسة عتاب كتب:

فكره راائعه جدا ياهمس
وطبعا انا موافقه عليها ومستعده
للمساهمه باى شئ يطلب منى
تقبلى مرورى

‏
ربنا يخليك يا هموسه والاروع حيبقي مشاركتنا كلنا فيها وربك يسهل وانت طبعا معانا وأكيد ليك دور مهم

أمير بكلمتى كتب:

و انا كمان مستعد لاى مطالب

‏
تسلم يا بودي و شكرا لمتابعتك وانتظرني بعد قليل وأخر الاخبار

ازيكوا يا حلوين يارب تكونوا بخير وكل سنة وانتم طيبين
‏
بصوا بقي انتم طبعا عايزين تعرفوا ايه اخر الاخبار صح
طيب
أقول
‏
لأ مش حقول
‏
اصلي بصراحه كده خايفه ان الناس يجلها احباط وتفقد الأمل
‏
‏
طيب حقول بقي ومش عايزه حد يزعل احنا حاولنا وعملنا اللي في ايدينا نعمله
‏
‏
‏
ها اوعوا حد يزعل
‏

‏


‏
لأ ده انتم حتفرحوا هههههه


‏
مش عارفه حتزعلوا ولا حتفرحوا بصوا اقروا وانتم تعرفوا
‏
‏

‏
بصوا بقي انا النهارده كنت في الكلية وبصراحه كان نفسي كلكم تبقوا موجودين بس للاسف ولا حد عابراني حتي هند سابتني وروحت ههههههه
شفتم بقي دايما كده كسفني
المهم بقي انا دخلت لوحدي وحيده شريده كده لرعاية الشباب ده عندنا في الكلية علي فكره وبصراحه ده اول مره ادخلها
ودخلت بقي وقولت سلام عليكم وكده
و صراحه الناس هناك كانوا في قمه الذوق والتفاهم قمت انا بقي زي الشطوره كده اتكلمت مع استاذ هناك وقولتله اننا عايزين نعمل مجله و شرحتله الموضوع قام هو دخل شاف المنتدي وسألني حتتوزع مجانا ولا ايه وانا قولتله علي كل حاجه فهو قالي هو حاليا مفيش دراسه ولا طلبه حاجه زي ده حتكون في الدراسه وانا قولتله احنا قولنا كده
واخدت بياناتي وعنواني ورقم التليفون شفتوا بقي بقيت مسحله خطر ههههههه و قال اننا نجهز و نتفق و هو حيرد كمان اسبوعين عشان ياخد موافقه العميد وكده عشان الموضوع مش سهل
قولتله عمتا احنا ميولنا مش سياسية قالي احنا عندنا حرية في كده و مش في قيود في الحاله ده بصراحه انا فرحت مش حكدب عليكم ههههه يعني حنعبر بقي و كده انتم فاهمين بس اوعوا حودا يعرف ههههههه
خلوه سر بنا
قالي طيب انتم حتتطبعوا فين فانا رديت وقولت انا لو في الكلية قالي للاسف لأ
قولتله اوك احنا حنطبع برا
و قال ان الرد حيكون بعد اسبوعين واداني رقمه وقالي اننا نجهز و نحضر وكده
قولتله اننا حنحاول نعمل نسخه مبدئيه عشان يوريها للناس و هو رحب بكده
ده كل اللي حصل يا حلوين
بصوا بقي عشان تبقوا عارفين احنا محتاجين نتجمع قريب عشان نتقف حنعمل ايه و كل واحد حيبقي دوره ايه اوك
لو كده نتجمع الاسبوع الجاي عشان انا تعبانة و صعب انزل الاسبوع ده خالص
بس بليز عايزه رأيكم وتحددوا يوم نتجمع فيه وانا معاكم في اي وقت
كفاية عليكم انا رغيت كتير مستنية ردكم
‏
تحياتي لكم جميعا
‏
همس الامواج
‏